AGERTOKIA

Erromatarren inperioa historiako inperiorik garrantzitsuenetarikoa izan da eta bere aztarnak gaur egunera arte irauten dute. Mitologiak eta erlijioak garrantzi handia zuen haien kulturan eta aisialdiko jarduera askok gudarekin lotura zuzena zuten. Historiako irakasgaian erromatarrei buruzko lan bat egin behar duzuela jakinik, lan horren erredakziorako aukeratuko duzuen gaia hemen antzeztea da helburua. Hau da, erromatarrak zelan bizi ziren eta zelan jarduten zuten hobeto ikasi eta ikusteko, garai horri buruz dakizuenari eta landutakoari zentzua eta bizia eman beharko diozue.

Horretarako, 6-8 kideetako taldeak osatuko ditugu eta talde bakoitzak antzerkia sortzeko gai konkretua aukeratu beharko du (ondoren historiako irakasgaian mantendu beharko delarik). Adibidez: zirku erromatarra, gladiadore borrokak, basapiztiak, gudak, konkistak, inperioa, jainkoak, bizimodua, gurdi lasterketak, kultura eta abar. Guzti honekin batera, antzerkia egiteko musika, jantziak, dialogoak eta abar modu librean erabaki zein sortzeko askatasuna izango duzue.